शिक्षा, विज्ञान तथा प्रविधि मन्त्री विद्या भट्टराईले राष्ट्रिय किताब खाना (शिक्षक) को छड्के अनुगमन गरेकी छन् । ताहाचलस्थित किताबखानाको कार्यालयमा पुगेर मन्त्री भट्टराईले छड्के अनुगमन गरेकी हुन् ।
बिज्ञापन
गत पुस १४ गते किताबखाना कार्यालयका शाखा अधिकृत धनेश्वर प्रसाई पेन्सपट्टा बनाउन पुगेका शिक्षक भोजराज भट्टराईसँग लाख घुस लिदैँ गरेको अवस्थामा रंगेहात पक्राउ परेका थिए । यो प्रकरणमा अघिल्लो सातामात्र प्रसाईविरुद्ध अख्तियारले विशेषमा मुद्धा दायर गरेको छ । एमाले निकट कर्मचारीकै नेता घुससहित पक्राउ परेको उक्त घटनाको महिना दिनपछि मन्त्री सो कार्यालयमा छड्के अनुमगनका लागि पुगेकी हुन ।
बिज्ञापन
अधिकृतले पेन्सन पट्टा बनाउन आउने सेवाग्राहीसँग ३ लाख रुपैयाँ घुस लिएका थिए । यो प्रकरणमा एमाले निकट कर्मचारी संगठनका नेता समेत रहेका शाखा अधिकृत धनेश्वर प्रसाईंलाई अख्तियार दुरुपयोग अनुसन्धान आयोगको टोलीले पक्राउ गरेर मुद्धा समेत दायर गरिसेकेको छ । घुस लिने प्रसाई नेपाल निजामती कर्मचारी संगठन शिक्षा मन्त्रालयका विभागीइ कार्यसमितिका कोषाध्यक्ष हुन । उनी पक्राउ परे यता समेत निजामती किताबखाना शिक्षाका कर्मचारी र विचौलियाहरुले सेटिंग मिलाएर घुस लिने गरेको गुनासो बढेपछि मन्त्री अनुगमनका लागि त्यहाँ पुगेकी हुन । पटक पटक बदनाम बन्दै गएको तथा सेवाग्राहीहरूबाट समेत व्यापक रूपमा गुनासो आउने थालेपछि मन्त्री भट्टराई छड्के अनुगमनमा पुगेकी हुन् ।
अनुगमनका क्रममा मन्त्री भट्टराई समक्ष सेवाग्राहीहरूले छिटो छरितो सेवा प्रवाह नभएको, अनलाइनमार्फत सेवा दिनुपर्ने जस्ता विषयमा गुनासा राखेका थिए । पेन्सन पट्टाका लागि अर्थ मन्त्रालयबाट आएको अध्यादेशको नयाँ व्यवस्थाअनुसार कार्य अघि बढाउन शिक्षामन्त्री भट्टराईले निर्देशन दिएकी छिन् ।
बिज्ञापन
